فيروز

فيروز وهي بتضرب دياب في دراعه بهزار :حرام عليك
يونس لقاسم:يااه علي الكسفه اللي انت فيها يا حازم
كلهم باركو لفيروز
دياب بيدي هديه لفيروز:خدي الف مبروك
فيروز:الله يبارك فيك بس ايه دي
دياب:افتحي وشوفي
فيروز فتحت الهديه لقيتو تليفون هديه
دياب :قولت اجيب ليك تليفون بدل اللي اتسرق منك
فيروز بابتسامه:شكرا خالص يا دياب
دياب بابتسامه: العفو علي ايه يعني انا مش عملت حاجه وبما انك نجحتي فايه رأيك بعد فرحنا تشتغلي معايا في الشركه ولي عندك مانع
فيروز:اكيد طبعاا مش عندي مانع
عند عبير
عبير :يلا يا هند عشان نروح الزياره لابوكي ولجمال
هند:يلا بينا
راحو القسم ودخلو الزياره لسالم وجمال
عبير:عامل ايه يا سالم
سالم:الحمد لله كويس انتي عامله ايه يا عبير
عبير:كويسه ايه اخبارك يا جمال
جمال:عادي زي مانتي شايفه
عبير: انا كلمت محامي كويس عشان الق.ضية بتاعتكم
سالم:طب كويس ياعبير بس ليه وشك اصفر يا هند
هند بتوتر:لا عادي انا اخده دور برد
جمال:لا متكلميش حد احنا هنعرف نتصرف
هند بتسرع وغباا:لا احنا لازم نكلم عشان تطلعو من السجن وانت كمان لازم تطلع عشان تضوف حل في المصيبه اللي انت عملتها فيا
عبير قرصت هند في دراعها
سالم باستغراب:مصيبه ايه يا هند
عبير:لا مفيش مصيب……
قاطعها سالم:انا بكلمها هي مش انتي مصيبت ايه انطقي
هند :ما تتكلم يا جمال ساكت ليه
جمال ببرود:قصدك علي انك واحده رخي*صه وسلمت ليا نفسها اكيد بعد اللي حصل تكوني حامل بس شوفي مين ابو الواد ياحلوه يا عسكري رجعني الحبس بتاعي
العسكري:الزياره لسه مخلصتش يا مسجون
جمال:ياعم انا عايز ارجع دلوقتي
العسكري اخد جمال علي الحبس بتاعه
سالم بحزن:ليه تعملي كدا يا هند
هند بدموع:انا كنت فاكره انو هيتجوزني
سالم وهو حاطط ايدو علي قلبو
عبير: مالك يا سالم
سالم:لا رد
عبير بصراخ:حد يجيب لنا الدكتور بسرعه
تسريع الأحداث
جات عربيه الاسعاف واخدت سالم وكان معاه هند وعبير واخدوه علي المستشفى
في الأوضه بتاعت سالم
سالم وهو بيتكلم بالعافيه:اطلعي بره مش عاوز اشوف وشك انتي لا بنتي ولا اعرفك وانتي ياعبير اتصلي بفيروز خليها تيجي حالات
عبير بضيق: وانت عايزها في ايه
سالم بضعف:وانتي مالك اتصلي وخلاص
عبير بضيق:انا مش معايا رقمها بس انت معاك رقم دياب الهواري في تلفونك والتلفون معايا اتصل عليه واخليه يجيبها
سالم: اعملي اي حاجه المهم تيجي في اسرع وقت
عبير بضيق: حاضر يلا يا هند نطلع بره
عند فيروز
كلهم قاعدين على التليفزيون فجاه تليفون دياب رن
دياب: الو
عبير:دياب الهواري معايا
دياب: ايوه انا مين معايا
عبير: انا عبير مرا ت ابو فيروز
دياب بغضب :انتي عايزه ايه
عبير :ممكن تديني فيروز بس عايزاها في حاجه ضروري
دياب :اهي معاكي لما نشوف اخرتها
فيروز اخذت التليفون
فيروز: الو
عبير :ايوه يا فيروز الحقي ابوكي تعبان وعايز يشوفك ضروري واحنا دلوقتي في المستشفى
فيروز بخضه: ايه مستشفى ايه
عبير:مستشفي*********تعالي دلوقتي مفيش وقت
فيروز:حاضر انا جايه حالا وقفلت
دياب: رايحه فين
فيروز:بابا تعبان وعايزني اروح ليه
دياب وانتي عايزاني اوديك ليه صح لا طبعا انا مش موافق
فيروز برجاء: عشان خاطري يا دياب انا لزم اروح ده مهما كان والدي برضو
فيروز كانت بتبص لدياب برجاء عشان يوافق
هاله:وديها يا ولدي ده ابوها برده
دياب بنفاذ صبر: خلاص روحي بس انا هروح معاكي
فيروز: حاضر
جهزت فيروز ودياب وفيروز قالت لي دياب على اسم المستشفى
في المستشفى
خارج غرفه سالم
عبير :عاجبك اللي احنا فيه ده ده انا كنت ناويه اجوزك لدياب الهواري وانتي رايحه تبصي الجمال
هند:خلاص اللي حصل حصل
قاطع كلامهم وصول دياب و فيروز
فيروز لعبير :بابا فين
عبير :اهو في الاوضه دي
دياب لفيروز :انا هستنى هنا
فيروز فهمت دياب وقالت: خلاص ماشي
دخلت فيروز عند سالم
فيروز: ازيك يا بابا
سالم بتعب: ازيك يا فيروز عامله ايه
فيروز :انا الحمد لله وانت
سالم: انا كويس بس حاسس ان خلاص سامحيني يا فيروز على كل حاجه عملتها فيكي سامحيني اني ما قدرتش اعوضك عن حنان الام اللي انتي مش عيشتيه
فيروز بدموع: مسامحك والله
سالم: وخلي دياب كمان يسامحني انا عارف اني حرمتو من ابوه بس ربنا انتقم مني هو جي معاكي
فيروز :ايوا قاعد بره
سالم:طيب اندهيه عايزه
فيروز:حاضر
فيروز خرجت ندهت على دياب وبعد ماقنعت دياب انو يدخل دخل
سالم: انا عارف اني مليش عين اقولك سامحني بس صدقني ربنا اخذ حقك مني انا بطلب منك دلوقت انك تسامحني مش عشاني علشان خاطر فيروز
فيروز بتبص لدياب برجاء انو يسامحو
دياب بعيون حمراء:……………