نيره وفهد ٢
أنهت حديثها و انفجرت في البكاء و ضمت نفسها إليه إلى أن غفت هي الأخرى أما هو كان يستمع إليها و قلبه ينفجر من الألم عليها فهو يعشقها و لكن ماذا يفعل في غروره بعد أن رفض الزواج من سيدات المجتمع الرقي تزوج من أروى ماذا سوف تقول الصحافه عن الدنجوان الذي فعل علاقات بعدد شعر رأسه ضمها إليه أكثر و غفوا الاثنين بسلام دون أي حسابات إلى أي شيء آخر.
_____شيماء سعيد______ في شقه عاصم و عشق كانت عشق تحضر الفطور و عاصم يجلس في الخارج شارد الذهن في المصيبه التي وقعت بها عائله الدالي وضعت عشق الطعام على السفره و اقتربت منه بحنان. عشق : يلا يا حبيبي الفطار جاهز. عاصم : مش عايز يا عشق روحي كلي انتي عشان البيبي. جلست عشق بجواره و أخذت رأسه و وضعتها على صدرها و أخذت تحرك يديها على شعره بحنان : عاصم يا حبيبي اللي حصل حصل خلاص يبقى لازم نلقى حل.
ابتعد عنها عاصم بعصبيه : و الحل في المصيبه دي ايه و اللي بيعمل فهد ده اسمه ايه ده اتجنن رسمي أمنيه مراته و حبيبته ماشي لكن المسكينه نيره اللي مستقبلها ضاع دي حلها أيه مفكرش فيها أبدا. عشق بهدوء : هو نفسه مش عارف بيعمل ايه مراته اللي بيحبها من ايام الجامعه و اللي فكر انها ماتت طلعت عايشه و حصل فيها كل اللي عمله كامل ده لازم يعوضها عن اللي حصلها حتى لو بيحب نيره مش هيقدر يبعد عن أمنيه.
عاصم بجديه : عارف بس بعيدا عن امنيه و نيره و فهد سمعت عايله الدالي الشراكات عمري كله اللي ضاع عشان أكبر العائله دي لو الصحافه عرفت الخبر هنروح في داهيه. عشق بحنان : كل حاجه هتتحل يلا بقى ناكل عاصم الصغير جعان. عاصم بعشق : و أنا تحت امر عاصم و ام عاصم. قطع حديثهم هاتف عاصم فقال عاصم : ده فهد. عاصم ببرود : نعم يا جوز الاتنين..
فهد بغضب : نيره عندك. عاصم بذهول : عندي بتعمل ايه لا مش عندي هي هربت. فهد : و ربنا ما هسكت لها على العامله دي و هعرفها ازاي تمشي من غير ما اعرف. عاصم بغضب : انت ايه يا أخي مفيش دم خلاص عايزها تاخد الأذن منك هو انت ايه اصلا بالنسبه ليها. فهد بغضب : ماشي يا عاصم شكرا بس انا اعرف مكانها الأول و بعدين هعلمها الأدب.
أغلق فهد الهاتف أما عاصم كان يريد قتـ,ـله من أفعاله تلك. _____شيماء سعيد______ كانت السيده ماجده تتحدث في الهاتف مع أحدهم بغضب شديد. ماجده : لازم نوصل لها قبل ما يوصل هو البنت دي خطر علينا. الشخص : و ده ازاي يا هانم البنت اختفت فجأه من غير ما حد يعرف لها طريق. ماجده : دي عرفت اني أنا اللي وراء كل حاجه لازم تمـ,ـوت كده كلنا هنروح في داهيه عشان امنيه تعيش لازم نيره تمـ,ـوت.
