مليكه

مليكه وطلع على اسكندريه على البحر المكان اللي امه كانت بتحبه وقعدوا على الرمله وهي لسه بالفستان الاحمر وهو بالبدله والناس بتبصلهم ومليكه قالت له جبتني هنا ليه يا فهد قالها امي كانت تقولي لما الدنيا تضيق روحي للبحر احكي له وهو هيسمعك وانا عايز ابدأ معاكي صفحه بيضا هنا بعيد عن الناس مليكه عيطت جامد طلعت كل الوجع اللي جواها على ميار اللي خانتها وعلى ادم اللي غدر بيها وعلى ابوها اللي ظلم فهد وعلى نفسها اللي كانت هتضيع عمرها مع واحد ما يستاهلش وفهد حضنها وقالها عيطي يا مليكه انا جنبك ومش هسيبك ومليكه لاول مره حست بالامان بجد ورجعوا القاهره تاني يوم وابوها طلب يشوفهم في المستشفى وكان شكله احسن وقال لفهد يا ابني انا عارف اني ظلمتك انت وامك بس انا كتبتلك نص الشركه زيك زي ادم وده حقك وكتبت لمليكه مصنع الملابس اللي كانت بتحلم بيه وفهد رفض في الاول وقال مش عايز فلوسك انا عملت نفسي بنفسي وابوها قال ده مش عطف ده حق ولازم تاخده عشان امك ترتاح ومليكه مسكت ايد فهد وقالت له اقبل يا فهد عشان خاطري نقفل الصفحه دي وفهد وافق عشان خاطرها وخرجوا من المستشفى ولقوا منه اختها واقفه مع فارس ماسكين ايد بعض وبيضحكوا ومليكه شهقت وقالت ايه ده انتوا من امتى ومنه قالت من يوم ما وقفتي في القاعه حسيت ان فارس راجل بجد وهو اللي شجعني اواجه ميار وفارس قال انا بحبك يا منه من زمان بس كنت بتكسف ومليكه حضنت اختها وقالت اخيرا هتتجوزي راجل يستاهلك وفهد ضحك وقال نعمل فرحين مع بعض فرحي انا ومليكه من اول وجديد وفرح منه وفارس ومليكه قالت لسه عايز تتجوزني يا فهد قال ده انا ما صدقت انك مراتي على الورق عايز اخليكي مراتي بجد واعملك فرح احلى من بتاع ادم بمليون مره ومليكه وافقت ودموعها فرح وعدى شهر وفهد عمل فرح كبير في نفس الفندق اللي هربت منه اول مره بس المره دي كل حاجه مختلفه مليكه لابسه فستان ابيض جديد فهد اختاره بنفسه وشكله يجنن وفهد واقف مستنيها ومش مصدق انها بقت ليه واول ما شافها نازله على السلم عيط وكل الناس سقفت حتى ابوها اللي بيضحك لاول مره وادم ما جاش بس بعت رساله قالها سامحيني يا مليكه انتي احسن حاجه حصلتلي وانا ضيعتك واتمنى تكوني مبسوطه مع اخويا اللي ارجل مني ومليكه ابتسمت ومسحت الرساله وميار حاولت تكلمها كتير بس مليكه عملت لها بلوك وقالت الصاحبه اللي تخون مره تخون الف مره وبعد الفرح فهد خد مليكه شهر عسل في تركيا اسبوعين يلفوا ويضحكوا كأنهم اتولدوا من جديد ولما رجعوا مليكه بدأت مشروعها مصنع الملابس وسمته على اسم ام فهد وفهد كل يوم يعدي عليها يجيبلها ورد ويقول بحبك يا ست المصنع قدام العمال والعمال يضحكوا ومليكه وشها يحمر وفي يوم تعبت وراحت للدكتوره وعرفت انها حامل وجريت على فهد في الشركه قالت له انا حامل يا فهد فهد شالها قدام الشركه كلها وقال هبقى اب يا ناس مليكه حامل ومليكه كانت مكسوفه بس فرحانه وحست ان ربنا عوضها عن كل الوجع بفرحه كبيره وان جوازه الانتقام اللي بدأت بدموع انتهت بحب كبير وعيله هتكبر وانها لقت الراجل اللي يستاهلها اللي هو فهد اخو قلبها وسندها طول العمر وفضلت مليكه تحمد ربنا كل يوم على عوضه الجميل اللي جه بعد الصبر والوجع الطويل وعلى حب فهد اللي ملا حياتها امان وحنان للابد كله