اول مخرجت
هدى مسكت أول صورة
وبعدين التانية
ولما شافت صورة نادين حاطة إيدها على بطنها وقعت الصور من إيدها
وشها اصفر
وقالت بصوت متقطع
دي مين؟
الحاج محمود قال
نادين
مين نادين يا بابا؟
قبل ما يرد سمعوا صوت عربية سامح قدام البيت
سامح نزل منها ومعاه بوكيه ورد وكيس هدايا للبيبي
دخل وهو بيضحك
إيه يا جماعة محدش هيستقبلني؟
هدى كانت واقفة قدامه
وشها هادي بشكل يخوف
سامح قرب منها ومد إيده عشان يحضنها
لكنها رجعت خطوة لورا
سامح استغرب
مالك؟
هدى بصت له وقالت
عايز أسألك سؤال واحد
سامح ضحك
اسألي
مين نادين؟
سامح أول ما سمع اسم نادين وشه اتغير للحظة واحدة بس
لحظة صغيرة جدا
لكن هدى شافتها
وقالت وهي بتبص في عينيه
مالك اتخضيت ليه؟
سامح حاول يضحك
نادين مين يا هدى؟
الحاج محمود كان واقف وراها وساكت
هدى ردت
أنا اللي بسألك
سامح قرب منها وقال
أكيد واحدة من الشغل
هدى ضحكت ضحكة قصيرة مليانة وجع
من الشغل؟
أيوه من الشغل
طيب وإيه اللي يخلي واحدة من الشغل تبقى واقفة جنبك في صورة وإيدها على بطنها؟
سامح اتجمد
بص للحاج محمود وبعدين رجع بص لهدى
مين جابلك الصورة دي؟
هدى قالت
يعني الصورة حقيقية؟
سامح سكت
الحاج محمود تقدم خطوة وقال
إحنا مش بنسألك مين جاب الصورة
إحنا بنسألك مين الست دي
سامح انفعل
أنا مش هتحاسب على كل صورة في حياتي
هدى ردت بهدوء
لأ
إنت هتتحاسب على كدبك
سامح بدأ يلف في الصالة
أنا كنت هقولك
هدى قاطعته
إمتى؟
بعد ما أولد؟
بعد ما تسيبني تلات شهور عند أبويا؟
ولا بعد ما تبيع البيت اللي مش ملكك؟
سامح بص لها بسرعة
إنتي عرفتي موضوع البيع كمان؟
الحاج محمود فهم إن سامح وقع في كلامه بنفسه
قال له
أيوه يا سامح
إحنا عرفنا حاجات كتير
بس لسه مستنيين منك تقول الباقي
سامح قعد على الكرسي وحط إيده على وشه
