نيره وفهد ١
فهد بندم : نيره أنا آسف. نيره بغضب : متقولش الكلمه دي تاني انا مش جاريه عندك عشان تمد ايدك عليا كل شويه بس تعرف العيب مش عليك العيب فيا انا صكت لك مره و التانيه لحد ما قولت دي معندهاش دم و لا كرامه و عادي يعني لما اضـ,ـربها ما هي رخيصه و رميا نفسها عليا.
أوقف فهد السياره و بغضب شديد و لكن ليس منها بل منه هو بسبب تصرفاته أصبحت تقلل من نفسها هو يعرف انها تحبه و لكن ماذا يفعل لها فقلبه مازال متعلق بتلك التي عاش معاها شبابه و كانت كل شيء بالنسبه له كيف ينساها بتلك السرعه و يحب غيرها نظر إلى نيره وجد عينيها مليئة بالدموع و هذا ما ألم قلبه أكثر. فهد بحنان :
إزاي تقولي على نفسك كده انتي مش رخيصه و لا رميا نفسك عليا انتي ست بتحب جوزها و عايزه تحافظ عليه و صدقيني العيب مش فيكي بس حطي نفسك مكاني واحد حب واحده أربع سنين جامعه و اتجوزها 8 سنين كانت كل حاجه في حياته أمه اخته بنته مراته حبيبته و فجأه ماتت ماتت و هي حامل في طفله اللي بقى لهم 8 سنين نفسهم فيه و اتجوز اختها و مراته دي بقي لها 4 شهور ميته عايزك رايك يقدر يحب غيرها و يكمل حياته ازاي و كل حاجه كانت حلوه في حياته تحت التراب احكمي انتي لو انا مـ,ـوت دلوقتي
تتجوزي و تحبى جوزك الجديد ده في كام شهر و تحسي كل حبك ليا. نيره بسرعه دون تفكير : مستحيل طبعا هفضل طول عمري أحب. فهد بابتسامه : شوفتي بقى انها صعبه جدا أو زي ما انتي بتقولي مستحيل. ثم أكمل بندم : اوعدك أن مش همد ايدي عليكي تاني مهما حصل بس انتي كمان اوعديني انك تتحملي شويه عشان اقدر اعدي المحنه دي و نكمل سوا من غير وجع.
نيره بحب : اوعدك بس يا ريت انت كمان تحاول أن يكون ليا مكان في قلبك حتى لو حته صغيرة بس يكون ليا مكان أرجوك. قالت كلمتها الأخيرة برجاء و نزلت الدموع من عينيها دون أراده منها… تألم كثيرا لرؤيتها بذلك الشكل و ما يقـ,ـتله أكثر أنه السبب في تلك النظرة المليئة بالكسره و لكنه حاول رسم ابتسامه على وجهه و قال بحنان. فهد : و مين قال لك انك مالكيش مكان في قلبي و كبير كمان.
مسحت نيره دموعها و نظرت إليه بسعاده : بجد. فهد بابتسامه مشرقه : بجد بس عايز منك تصبري معايا شويه و تكوني أقوى من كده دموعك دي بتوجع قلبي. نيره بعشق : اوعدك هعمل المستحيل عشان تحبني. ثم نظرت له بغضب : بس لو ايدك اتمدت عليا انت متعرفش أنا ممكن اعمل ايه. رفع فهد حاجبه بدهشه من تلك المعتوهه : هتعملي ايه يعني. نيره بمرح : هعيط و انت لسه متعرفش يعني ايه نيره هانم المغربي تعيط.
