هواها متيم لسماح نجيب 2

فبعد أن أخذت وقتها بالتفكير ، الذى لم يصل بها إلا لمزيد من الحيرة ، تركت مكانها وذهبت لغرفة مكتب رفيق ، ولكنها لم تجده ، فأودعت الأوراق بعهدة صديقتها بسمة حتى يعود
________________
ببلدة مجاورة لتلك البلدة ، التى كان يحيا بها برفقة عائلته ، كان بكر جالساً مع عدد من رفقاء السوء ، بغرفة أستأجرها من أجل أن يعيش بها ، بعدما تم طرده من بلدته ، أمتلأ المكان بدخان السجائر ، وبعض زجاجات الخمر ، فالبعض منهم يضحك ببلاهة ، من تأثير المخدرات التى يتناولوها وتتلخص بعشبة ” البانجو ”

فغمغم بكر وهو يشعر بحالة أقرب للثمالة :
– اه يا بنت إلهام بقى أنا تعملى فيا كده وتخلينى أطرد زى الكلب ومش قادر اتكلم ، بس وحياة أمك ما أنا سايبك وهوريكى

صاح به شاب أخر وجسده مترنح قليلاً ويضحك ببلاهة :
– أنت بتقول ايه يا عم أنت ما تسمعنا صوتك

نفث بكر دخان سيجارته وهو يقول:
– أما فى حتة بت محروق منها جامد وهى السبب فى أن قاعد معاكم فى المزبلة دى

أضجع شاب أخر على الأريكة الجالس عليها قائلاً :
– يا أخويا أحمد ربنا أن فى مكان يأويك بس الصنف ده عالى أوى جبته منين يا بكر

تبسم بكر قائلاً بدهاء :
– ده سر بقى بس بعد كده هتدفعوا حق اللى طفحتوه ده ما هو أنا مش كل مرة أجبلكم على حسابى ، حتى القرشين اللى أخدتهم من أبويا قبل ما أجى قربوا يخلصوا ، واللى فاضل هحاول أصرف نفسى بيه

رفع الشاب الجالس بجانبه قنينة الخمر يحتسى منها وهو يقول :
_ يعنى إيه تصرف نفسك بيهم هتعمل ايه يعنى يا بكر

– أنا أتفقت مع المعلم اللى بشترى منه الصنف أن أنا هبقى موزع ليه وهيبقى ليا نسبة يعنى بعد كده أعتبرونى الدولاب بتاعكم
ضحك بكر بصخب بعدما أنتهى من حديثه ، فحسبما ضيق أفقه بالتفكير ، وعدم وجود رادع له ، فكر بالإتجار بالمخدرات من أجل الحصول على المال اللازم له

أخذ منه رفيقه السيجار ، وسحب منه نفساً عميقاً ، عمل على خروجه ببطئ من فمه وأنفه ، فقال وهو ينظر للهيب السيجارة :
– أنت يا بنى عايز تودى نفسك فى داهية ، يعنى بدل ما تتعاطى هتاجر فيها يعنى لو أتقفشت تبقى المصيبة أكبر

دفعه بكر بصدره ، فسقط الشاب على الأرضية ، فلم يكلف نفسه عناء الاعتدال وظل مكانه ، ولكنه سمع بكر يقول بصوت ساخط :
– أنت بتفول فى وشى اتلم بقى ولا أقولكم يلا كلكم أمشوا أنا زهقت منكم ومحدش ييجى هنا إلا لو كان معاه فلوس أنا مش فاتحها تكية يا روح أمك أنت وهو