هواها متيم لسماح نجيب 4
فزفر من أنفه قائلاً بغضب :
–:” بقى كده حسابى معاها عسير على كدبها عليا يلا اخرجى برااا”
هدر بها بصوته ، فركضت تفر هاربة من الغرفة ، فهى تحمد الله ، انها استطاعت ان تخرج من هذا المكان ، قبل ان يحدث لها ما حدث لسابقيها
فالتقط هاتفه وقام بالاتصال على تلك المرأة المدعوة توحة ، فجاءه صوتها على الطرف الأخر وهى تقول:
–:” اهلا يا باشا اتمنى تكون البت عجبتك”
فرد قائلاً بغيظ :
–:” انتى بتستغفلينى يا توحة انتى مفكرانى اهبل دا حتى يبقى عيب على سنى”
شاب صوتها الخفوت وهى تقول:
–:” ماهو ماهو يا باشا اصل …
ضحك بصوت عالى وقال :
–:” اصل ايه يا توحة انتى مفكرة نفسك هتعرفى تضحكى عليا وتستغفلينى”
أسرعت توحة بالرد قائلة:
–:” لا ابدا يا باشا لا عشت ولا كنت بس انا معنديش بنات زى ما انت عايز يا باشا كلهم بقوا مستعملين”
رد قائلاً ببرود وعدم إكتراث :
– ” مش شغلى يا توحة وحسك عينك تفكرى تعملى الحركة دى تانى وتفتكرى نفسك انك ممكن تستغفلينى وتضحكى عليا الفلوس اللى بتاخديها دى مش شوية ماشى يا توحة خليكى حلوة كده علشان منخسرش بعض وأخر دفعة من الفلوس وصلتلك ممكن أخليكى تدفعيها قرش قرش وأهد الدنيا على دماغك أنتى واللى معاكى ”
أرتجف صوتها وهى ترد قائلة:
–:” وانا مقدرش على خسارتك يا باشا بس الصراحة البنت اللى انت بتاخدها مبنشوفهاش تانى انت بتوديهم فين”
أجابها قائلاً بتحذير:
–:” ده مش شغلك يا توحة انتى تعملى اللى بقولك عليه وبس تبعتيلى بنات على الفرازة من كله انتى فاهمة يا توحة وفين البنت اللى كنت وعدانى بيها وبتقولى قريب هتكون عندى”
ردت توحة قائلة بطاعة :
–:” فاهمة يا باشا فاهمة من عنيا حاضر والبنت إن شاء الله فى أقرب وقت وتكون عندك”
أنهت توحة المكالمة معه ، والتقطت أنفاسها بصعوبة ، فنظرت الى ذلك الرجل الجالس بجوارها وهى تقول:
–:” وبعدين يا فاروق فين البت اللى انت عشمتنى بيها وخليتنى اقول للباشا عليها اهو رجع وسأل عليها تانى”
تجرع فاروق مشروبه دفعه واحدة وهو يقول بصوت خشن :
–:” ماهى خلاص طارت من ايدى اعملك ايه يعنى يا توحة”
شدت توحة على كف يده وهى تقول بصوت مرتفع :
–:” تعملى ايه! انت بتسألنى ، مش انت اللى قعدت تعشمنى وتقولى خلاص قربت تجبها وقبضت على حسها فلوس من الباشا وانت رجعت ايد ورا وايد قدام”
